Spørsmål og svar
Spørsmåla som «står i hermeteikn og kursiv» er spørsmål klimanekt.no faktisk har fått, spørsmåla i feit skrift er våre eigne.
«Hvorfor skal vi som
overforbrukende samfunnsmedlemmer fraskrive oss ansvar? Det er jo ikke
akkurat sånn at politikerne lar være å handle fordi faktisk tror at
enkeltindividene kan redusere nok CO2.
»
Takk for ei god innvending. Du har heilt rett i at politikarane ikkje
trur at individuelt ansvar kan løyse problema. Det er heller ikkje sånn
at politikarane støtt og stadig masar om personleg ansvar, dei fleste
har skjønt at det gjer seg dårleg.
Men likevel har det vorte slik at forventninga om at folk tek
personleg ansvar gjennomsyrar miljødebatten. Det passar media si
forbrukarvinkling på alt mogleg heilt ypparleg. Seinast i går var det ein TV-reportasje frå ei reisemesse, og reportaren spurde naturlegvis kva
som var den mest klimavenlege feriereisa han kunne få kjøpt der. Og
politikarane sit musestille og seier ikkje eit pip, og håpar at ingen
legg merke til at dei opnar for endå eit nytt olje- eller gassfelt! Poenget er at vi må slutte å diskutere bagatellar. Og når dei store
grepa er tekne, og vi til slutt kjem så langt at ferieresiene står for
tur, så må vi diskutere korleis dei knappe ressursane kan fordelast på
ein rettvis måte, og ikkje korleis dei mest samvitsfulle av oss skal
unngå å få sår på sjela.
Men det er vel viktig å gå føre med eit godt eksempel?
I mange tiår har idealistar gjort det. Hadde det fungert ville vi visst det no. «Hva med å heller kreve at politikerne går i spissen for felles miljøinnsats fordi vi andre prøver å gjøre en innsats?»
På mange måtar er det jo det idealistar har drive med sidan tidenes
morgon. Problemet med den strategien er at smitteeffekten har ikkje vore
overmåte stor. Forbruket veks faktisk framleis år for år, så presset på
politikarane er minimalt.
Er klimakrisa reell? Det kan vi ikkje vite noko sikkert om. Men det vi veit er at eit stort fleirtal av klimaforskarane meiner det. Vi kan ikkje stikke hovudet i sanden og ta sjansen på at dei tek feil. Sjå How It All Ends på Youtube.
Men kva med Kina? Kina og andre utviklingsland blir ikkje med utan at dei rikaste landa tek eigne kutt.
Kva med CO2-reinsing? Det gjenstår å sjå om det blir noko av og kor mykje det monnar.
| 
